Cantar á muller elefante.

Quérote ben.
Quérote tan ben
que quixera verte vella,
arrugada,
chea de verrugas,
deforme.

Quérote ben.
Quérote tan ben
que non quixera que foras
escrava,
prisioneira,
cautiva
desos ollos que eclipsan,
desos labios que atolan.

Non quixera que
pra min,
pra tantos,
pra ti,
namais foras úa cara guapa,
máis que guapa,
un bon corpo.

Pero desenganémonos,
se non fora por eso,
polo que te amarra,
polo que me cautiva,
eu non iba quererte,
nin ibas quererte tu.

Quérote tan ben,
que te quixera libre
del espello,
da cámara del móbil,
del sonriso ensaiado,
de ti mesma.

Probe de ti!
Prisioneira e carceleira.